තෙවැනි වේගවත්ම ටෙස්ට් ලකුණු දහස කමිඳු මෙන්ඩිස්ගෙන්

නවසීලන්ත කණ්ඩායම හා ශ්‍රී ලංකා කණ්ඩායම අතර දෙවන හා අවසන් ටෙස්ට් තරගයේ දෙවන දිනය අදයි.

අද තරගයේදී සිය ටෙස්ට් ලකුණු දහස සම්පූර්ණ කිරීමට කමිඳු මෙන්ඩිස් සමත් වුණා. එය වාර්තා පොත් අතරට එක්වන්නේ ලොව තෙවැනි වේගවත්ම ටෙස්ට් ලකුණු දහස සහ 1949 වසරට පසුව වාර්තා වූ වේගවත්ම ටෙස්ට් ලකුණු දහස ලෙසයි. ඒ අනුව කමිඳු ලොව විශිෂ්ටතම ක්‍රිකට් ක්‍රීඩකයා ලෙස සැලකෙන ශ්‍රීමත් ඩොනල්ඩ් බ්‍රැඩ්මන් සමඟ වේගවත්ම ටෙස්ට් ලකුණු දහසේ සටහනේ තෙවැනි ස්ථානය බෙදාගන්නා බවයි වාර්තා වන්නේ. මෙම ටෙස්ට් ලකුණු දහස සඳහා කමිඳුට තරග 8 කදී ඉනිම් 13 ක් වැයවූ අතර, එහිදී කමිඳු ශතක 05 ක් සහ අර්ධ ශතක 04 ක් ලබා සිටිනවා.