රුමේනියාවේ ජල ගැලීම්

රුමේනියාවට බලපෑ අධික වැසි තත්වයත් සමඟ ඇතිවූ ජල ගැලීමෙන් නිවාස දහස් ගණනක් ජලයෙන් යටවී තිබෙනවා.

වර්ෂාවත් සමඟ ගංගාවල ජල මට්ටම ඉහළ යාම නිසා මධ්‍යම හා නැගෙනහිර යුරෝපයේ බොහෝ ප්‍රදේශවලට අවදානම් නිවේදනයක් නිකුත් කර ඇති බවටයි විදෙස් වාර්තා සඳහන් කළේ.

ආපදා තත්වය හේතුවෙන් හතරදෙනෙකු මියගොස් ඇති අතර, බොහෝ පිරිසක් ආරක්ෂිත ස්ථාන කරා යොමු කර තිබෙනවා.

එමෙන්ම නිවාස දහස් ගණනක විදුලිය විසන්ධි වී ඇති අතර ඉදිරි දිනවලදීත් දැඩි වර්ෂාවක් ලැබිය හැකි බවටයි එරට කාලගුණ අංශ නිවේදනය කර ඇත්තේ.