පාසල් සිසුවකුට බරපතළ ලිංගික අපයෝජන කළ බව කියන කාන්තාවක අත්අඩංගුවට ගෙන තිබෙනවා. පිට පළාතක පාසලක ඉගෙනුම ලබන බව කියන සිසුවා නිවාඩුවට නිවසට පැමිණි අවස්ථාවකයි මෙම අපයෝජනය සිදුකර ඇත්තේ.
මෙසේ අපයෝජනයට ලක්ව ඇත්තේ 14 හැවිරිදි ශිෂ්‍යකු බවත් ඔහු මාස දෙකකට පෙර සිදුවීමට මුහුණ පා ඇති බවයි පොලිසිය පවසන්නේ. කල්පිටිය, කන්දකුලියවැල්ල කසකැලය ප්‍රදේශයේ පදිංචි කාන්තාවක් සැකපිට මෙසේ අත්අඩංගුවට ගත් බවද කල්පිටිය පොලිසිය පවසනවා.
ඇය කන්දකුලියවැල්ල ප්‍රදේශයේ පදිංචි 54 හැවිරිදි දෙදරු මවක බවයි වාර්තා වන්නේ. සැකකාර කාන්තාව අපයෝජනයට ලක්වූ සිසුවාගේ ඥාතියෙකු බවට හඳුනාගෙන ඇති බවද පොලිසිය පැවසුවා.
Comments