ෆ්‍රැන්සිස් පාප් වහන්සේ අනිද්දා ඉන්දුනීසියාවට

දින 12ක ආසියා පැසිෆික් සංචාරයේ එක් නැවතුමක් ලෙස ෆ්‍රැන්සිස් පාප් වහන්සේ අනිද්දා ඉන්දුනීසියාවේ සංචාරයක නිරත වීමට නියමිතව තිබෙනවා.

විදෙස් මාධ්‍ය වාර්තා කළේ එහිදී පාප් වහන්සේ, සර්ව ආගමික සමගිය විදහා දක්වමින් එරට ජකර්තාහී මුස්ලිම් දේවස්ථානයක් සහ කතෝලික දේවස්ථානයක් යා කරමින් ඉදි කර ඇති මීටර් 28 යි දශම 3 ක උමං මාර්ගයක් නිරීක්ෂණය කිරීමට ද නියමිත බවයි.

එම උමඟ නම් කර ඇත්තේ මිත්‍රත්වයේ උමඟ ලෙසයි.

එමෙන්ම පාප් වහන්සේ එහිදී අන්තර් ආගමික රැස්වීමකට ද සහභාගී වනු ඇති බව විදෙස් මාධ්‍ය වාර්තා වැඩිදුරටත් සදහන් කර තිබෙනවා.